طريقة عمل الكانيلوني بطريقة سهلة وسريعة

استعرض الموضوع السابق استعرض الموضوع التالي اذهب الى الأسفل

طريقة عمل الكانيلوني بطريقة سهلة وسريعة

مُساهمة من طرف Salwa Alfadaly في السبت 31 أغسطس 2013, 7:55 am






المقادير

: 1 كوب حليب
: 1 كوب دقيق
: 3 بيض

هذه المقادير تكفى عمل 11 قرص, و يمكن مضاعفة الكمية حسب الرغبة

الطريقة:

نخلط جميع المقادير جيدا و نقلب كويس جدا لحد ما يمتزجوا كويس اوي


و بعدين نصفى الخليط من خلال مصفاة رفيعة عشان نشيل أى كلاكيع


و بعدها هيكون الخليط سائل و سميك حاجة بسيطة وكل ما يكون القوام رقيق يكون الطعم أخف وألذ


بعد كده نجيب طاسة تيفال صغيرة و نحط فيها نقطتين زيت و نسخنها ع النار وبعدين ناخد مقدار فنجان قهوة
من الخليط بتاعنا حتي يصبح مقدار كل قرص متساوي وبنفس الحجم ونضعها بشويش فى نص الطاسة


نحرك الطاسة لحد ما الخليط يغطى كل مساحة الطاسة


و نتأكد ان الخليط اتفرد كويس,عشان نحصل على قرص كامل , كأننا بنعمل بيض أومليت


نسيبه على نار متوسطة لحد ما يبدأ يستوى , و ده هنعرفه لما نلاقى الحروف نشفت وابتدت تعلا عن الطاسة
وكمان لما نحرك الطاسة,القرص يتحرك معانا


نقلب القرص على الجهة التانية و نسيبه ثوانى يادوب ياخد لون ذهبي ونطلعه على صينية أو طبق.
ونكرر لحد ما تنتهى كل الكمية و بين كل قرص و التانى , نحط نقطتين زيت فى الطاسة


بعد كده نعمل صوص بشاميل عادى خالص , لكل 1 ملعقة دقيق نحط 1 ملعقة زبدة


و بعدين نضيف 1 كوب حليب و نقلب كويس جدا عشان كله يمتزج كويس


نحط ملح و فلفل حسب الرغبة . بعد ما نطفى النار , نضيف 1 بيضة و نقلب كويس
وطبعا نضاعف كمية البشاميل حسب ما احنا عايزين


نجهز الحشوة.............


العادى اننا نستعمل لحمة مفرومة متعصجة , لكن ألافضل
ان تضيفي للحمة المفرومة طماطم و فلفل رومى و بصل و مشروم وزيتون أخضر و أسود وجبن رومى مبشور .......
الخلطة دى بيبقى طعمها حلو أوى مع بعض


ناخد قرص من اللى عملناهم و نحط فيه شوية حشوة

و نلف القرص على الحشوة


يفرد القليل من الكريمة فى طبق فرن بايركس او تيفال ونضع الكانيلونى فوقها (طبقة واحدة)،
ثم تسكب  باقى الكريمة فوق الكانيلونى .

تسكب الطماطم المهروسة على شكل زينة قليلة  "لا تغطى كل الكريمة"،  ثم ترش الجبنة
رومى مبشورة أو موزاريللا  فوق كل االكانيلونى.

تخبز الكانيلونى فى فرن على حرارة متوسطة لمدة 20 دقيقة  لحد ما الوش يتحمر

بعد إخراجها من الفرن تزين بــورق الريحان وتقدم.





Salwa Alfadaly
مشرف
مشرف

عدد الرسائل : 1797
البــلـد : القاهرة - مصر
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى